• 15:56
  • 4 декабря 2021
  • Сб

Дүкөндөгү уурулук жана кассирлердин катасынан улам келтирилген чыгымды азайтуу

Tazabek - Соода түйүндөрүндөгү жетекчиликтен же коопсуздук кызматынын жетекчилигинен: «Сиздин кирешеңиздин канча бөлүгү кассирлердин иш аракетинен улам жоголуп жатканын билесизби?» деген суроого дээрлик баары: «Бизде дисциплина бузулбайт», «Бизде уурдашпайт», «Бизде кардарларга ашыкча беришпейт» деген жоопту узатышат. Тилекке каршы, кассадагы эреже бузуу жана махинацияны аныктоолордун дээрлик 100 пайызы иш жүзүндөгү көрсөткүч мындай эместигин айгинелейт. Буга ынануу үчүн касса операцияларын көзөмөлдөө системасы (СККО) көмөкчү болот.

Бул макалада ритейлердин кайсы сценарийи менен кассадан «агып жаткан» акча жана аны стандарттуу видеокөзөмөл аркылуу аныктоонун татаалдыгы тууралуу айтабыз. СККО эреже бузуучуларды аныктап, дүкөндөгү финансылык жоготууларды кыскартууга көмөктөшөт. Россиядагы бул рыноктогу лидерлердин бири болгон Set Prisma системасы менен мисалдарды так көрсөтөбүз.


Жөн гана видеокөзөмөл — жетишсиз


Мисалы, Россиядагы 90% соода түйүндөрү видеокөзөмөл менен камсыздалып, бирок анча көп эмес компанияда гана видеоматериалдарды үзүлтүксүз жана толук анализдөөгө мүмкүнчүлүктөрү бар. Видеоматериал кандайдыр бир чырды карап чыгууга жардамын тийгизет. Бирок махинация жана кассадагы каталар болуп жатканы талашсыз. Андай учурлар кокустан байкалып же көп убакыт коротуу менен билиниши мүмкүн.

Кассадагы шектүү учурларды автоматтык түрдө аныктай турган адистештирилген куралдар керек. Касса операцияларын көзөмөлдөө системасынын (СККО) маңызы да ушунда.

Бул система камерадагы видеосүрөттөрдү, касса түйүндөрүндөгү маалыматтарды синхрондоштуруп, маалыматтарды анализдеп – бардык шектүү учурларда коопсуздук көзөмөлүнүн кызматкеринин же дүкөндүн жетекчилигинин көңүлүн бурдурат.

Системада белгилүү бир убакыттагы бардык шектүү кыймылдардын даяр тизмесин караган оператор иштейт. Системанын эффективдүүлүгү жана интерфейс боюнча 2003-жылдан бери адистер эмгектенгендиктен касса операцияларын көзөмөлдөө системасында (СККО) бир гана аналитик оңой эле көзөмөл жүргүзө алат. Мисалы, 3-4 кассасы бар 25 дүкөндө.

Касса операцияларын көзөмөлдөө системасы (СККО) соода түйүнүндө орнотулган видеокөзөмөл системасынын мүмкүнчүлүктөрүн кыйла кеңейтип, коопсуздук кызматына жаңы баалуу маалыматтарды берет. Анын үстүнө чечим өзүн бир айда (кээде жума ичинде эле) эле актап баштайт.


Системаны байкап көрүп — эреже бузуучулардан арылып, дүкөндүн чыгашасын кыскартабыз


Касса операцияларын көзөмөлдөө системасын колдонуудагы жыйынтыктар дайыма таасир калтырат. Жакында эле бир нече дүкөндө бул системаны байкап көрүп, жыйынтыгында эреже бузуулар үчүн 7 адам жумуштан алынып, 5 кылмыш иши козголду. Кассадан кардар жада калса шек санабаган алдамчылык ачыкка чыккан. А мындай дүкөндөр өлкөдө жүздөп саналат.

Эреже бузууларды жана күнөөлүүлөрдү аныктаган соода түйүн алардын кайталанышын оңой эле алдын алып, чыгымдарын азайта алат. Ритейлер сумма тууралуу айтууну анча каалашпайт. Бирок, бир мисал: «Set Prisma» жардамы менен соода түйүнү 10-15 кассалуу 8 дүкөндөн жылына 3,5–4 миллион рубль зыян келтирилген эреже бузууну аныктап, жокко чыгарды.


Кассадагы биз байкабаган эреже бузуулар


Россиядагы дүкөндөрдүн жалпы чыгашасынын болжол менен 30 пайызы уурулуктан, эреже бузуулардан жана кызматкерлердин кассадагы каталарына байланыштуу экени тууралуу маалымат бар.

Ошондой эле кыйыр түрдөгү чыгымдарды карасак: Кассада кемчиликтер жок, бирок кассирдин аракетинен улам ритейлердин кадыр-баркына доо кетсе, дүкөн кардардан айрылат. Мисалы, жумуш ордуна ылайыксыз сырткы көрүнүш жана жүрүм-туруму, сатып алуучу үйүнө жеткенде байкаган алдамчылык, айып пулга жеткирген регламенттин бузулушу. «Set Prisma» системасына касса тармагындагы 90дон ашуун эреже бузуулар маалым жана алардын баары россиялык чоң делген ритейлердин көп жылдык тажрыйбасынан.

1. Кассадан уурдашат жана алдашат

Ритейлерге келтирилген эң чоң чыгым адатта кассирдин акчага же алардын эквивалентине ээлик кылуу максатында атайын жасаган иши.

Мисалы:

  • Сатып алуучу акчаны төлөгөндөн кийин чегин албай кетет. Кассир эмне кылат? Ал чекти жокко чыгарып же чектин ичиндеги позицияны өчүрөт. Ал эми каражатты өзү ээлеп алат. Бул схема биздин 90% кардарда табылат. Айрыкча кассирлер администратор же жетекчиликсиз иштеген эс алуу күндөрүндө.
  • Кассир эсеп учурунда өзүнүн чоң арзандатуу берилген картасын пайдаланып, кардардан түшкөн бонусту колдонуп, кийин аны өзүнө ыйгарып алат.
  • Кассир товарды кайтарылган товар жана кардардын кайрылуусуз эле жасалма түрдө (ойдон чыгарылган түрдө) кайтарат. Ал эми алынган сумманы өзүнө ыйгарат.